ئەمرۆ پێنج شەممە بەرواری ٢٤-٢-٢٠٢٢ ۆرک شۆپێک لە زانکۆی سلێمانی فاکەڵتی زانست سازدرا دەربارەی کاریگەری گۆڕانی کەشوهەوا لەسەر سەرچاوە ئاویەکانی هەرێمی کوردستان

ئەمرۆ پێنج شەممە بەرواری ٢٤-٢-٢٠٢٢ ۆرک شۆپێک لە زانکۆی سلێمانی فاکەڵتی زانست سازدرا دەربارەی کاریگەری گۆڕانی کەشوهەوا لەسەر سەرچاوە ئاویەکانی هەرێمی کوردستان بەئامادەبوونی بەرێز جووتیار خالد جێگری بەرێوەبەرێتی گشتی کشتوکاڵی سلێمانی و کۆمەڵێک لە بەرێوەبەرانی بەرێوەبەرایەتیەکانی پەیوەندی دار بە سەرچاوە ئاویەکان و ..
شایانی باسە لەبەشی یەکەمی ۆرکشۆپەکەدا یاریدەدەری پرۆفیسۆر دکتۆر کاوە زەیدان بابەتێکی دەربارەی ئەو پرۆژەوبەنداوانەی کەووڵاتی ئێران درووستی کردوون لەسەر سەرچاوەی ئاوی سیروان خستە روو پاشان پرۆفیسۆر دکتۆر دیاری عەلی دەربارەی جۆری کانیاوەکان لەهەرێم و گرنگیانی خستە روو پاشان پرۆفیسۆر دکتۆر نەوبەهار فەرەج تاسیری داتاکانی بارانبارینی ماوەیەکی زۆری هەرێمی شیکردەوە لەسەر سەرچاوەکانی ئاو پاشان دکتۆر پشتوان مستەفا کایگەری ووشکەساڵی لەسەر زەویە کشتوکاڵیەکانی سنوری پارێزگای سلێمانی باس کرد ...لەبەشی دوەمی ۆرکشۆپەکە دووکۆربەند رێکخرا یەکێکیان دەربارەی سەرجاوە ئاویەکان و کێشەکانی بە بەرێوەبردنی پرۆفیسۆر دکتۆر یاسین ئەحمەد ئەم بەریزانە بەشداربوون (دکتۆر عبداللطیف رشید وەزیری پێشوتری وەزارەتی سەرچاوە ئاویەکانی عێراق بەرێز ڕەحمان خانی لە وەزارەتی کشتوکال وسەرچاوەکانی ئاوی هەرێم بەرێوەبەری ئاودێری سلێمانی بەریز ئومێد حسێن بەرێوەبەری بەنداوی دوکان بەرێز کۆچەر جەمال بەرێوەبەری بەنداوی دەربەندیخان) بابەتەکەی تریش دەربارەی بەکارهێنانی ئاو بۆ بابەتی جیاواز بە بەرێوەبردنی پرۆفیسۆر دیاری عەلی و بەشداری ( بەریز سەربەست عەلی بەرێوەبەری بەرێوەبەرایەتی ئاوی سلێمانی وبەرێز عباس عەلی بەرێوەبەری ئاوی ژێرزەوی سلێمانی وبەرێز لەیلی عمرعەلی بەرێوەبەری شارەوانی سلێمانی) پاشان دەرگای لێدوان کرایەوە لەسەربابەتەکە بۆ ئامادەبوان .