رۆژی سێ شەممە بەرواری ٢٠--٤--٢٠٢١ چالاکی بەشی توێژینەوەو بەشی بەرهەمهێنان و پەسەندکردنی تۆو .

ئەمڕۆ بەرواری ٢٠٢١/٤/٢٠ بەڕێوەبەری توێژینەوەی کشتوکاڵی سلێمانی و گەرمیان لەگەڵ بەڕێوەبەری بەشی بەرهەمهێنان و پەسەندکردنی تۆوی سلێمانی و گەرمیان سەردانی کێڵگەکانی بەرهەم هێنانی بنەتۆوی گەنمی باوەڕپێکراویان لە سنورى گەرمیان کرد بەبەشداری لێپرسراوی بەشی ڕێنمایی کشتوکاڵی گەرمیان ، بۆ لەنزیکەوە ئاگاداربوون لە بارودۆخی بەرهەمی گەنم بەگشتی و بەرهەمی بنەتۆو بەتایبەت . پاشان لەکۆبونەوەیەکدا پلانی ئەم ساڵ بۆ دابینکردنی بنەتۆو لەسنوری پارێزگای سلێمانی و ئیدارەی گەرمیان تاوتوێکرا ، دواتر بەشێکى کۆبونەوەکە لە دیوانى بەڕێوەبەرایەتى گشتى کشتوکاڵى گەرمیان بەڕێوەچوو بە ئامادەبونى بەڕێزان ( بەریوەبەرى گشتى و ج.بەڕێوەبەرى گشتى) ، ڕاوبۆچونى هەموان لە گفتوگۆکەدا باسکرا .