سەردانى بەریوەبەرى گشتى و لیژنەى هاوکارى

چالاکی بەڕێوەبەری گشتی کشتوکاڵی سلێمانی
ڕۆژی چوارشەممە بەرواری ١٥\١١\٢٠١٧ بەڕێز (شاڵاو جمال) بەرێوەبەری گشتی کشتوکاڵی سلێمانی سەردانی بەرێوەبەرایەتی کشتوکاڵی دەربەندیخانی کرد بۆبینین و ئاگادار بوون لەنزیکەوە لەبارودۆخی بینای بەرێوەبەرایەتی ناوبراو پاش کارەساتی بوومەلەرزەکەی دەربندیخان.


پاشان لەگەڵ بەرێز بەرێوەبەری کشت وکاڵی دەربەندیخان وسەرۆکی بەشەکشتوکاڵی وھۆبەکانی  گفتوگۆیان کرد دەربارەی پێداویستیەکانی بەرێوەبەرایەتیەکەو چۆنیەتی دابینکردنی لەم قەیرانی ئابوریەوکارکردن بۆدەستنیشانکردنی زیان لێکەوتوانی بومەلەرزەکە لەجووتیارانی ناوچەکە وەقەرەبووکردنەوەیان بەشێوەیەک لە شیوەکان لەو یارمەتی و کۆمەکانەی کە حکومەتی ھەرێم و کۆمەک بەخشە جیھانی وڕێکخراوەکان دابینی دەکەن بۆ ئەم مەبەستەش دوای کۆبوونوەکە سەردانی بەرێز قایمقامی  دەربەندیخانیان کرد بۆ ھەم ئاھەنگی و لەبیر نەکردنی جوتیاران وەبەرێزیشیان ڕەزامەندیان دەربری بۆپێشناری بەرێوەبەری کشتوکاڵی دەربەندیخان بەدرووستکردنی ژووری کارا (غرفە عملیات)لە قایمقامیەت کەیەکێک لەئەندامەکانی بەرێز بەرێوەبەری کشتوکاڵی دەربەندیخان بێت بۆ تێپەراندنی ئەوکارەساتەی کەبەسەر ناوچەکە ھاتوە.

        
شایانی باسە لەم سەردانەی بەرێز بەرێوەبەری گشتی کشتوکاڵی سلێمانی بەرێزان بەرێوەبەری پلان دانان وبەرێوەبەری ژمێریاری ولێپرسراوی ھۆبەی ماسی و ئەندازیارێکی هۆبەى ئەندازەو لێپرسراوی لیژنەی راگەیاندن یاوەری بەرێوەبەری گشتیان کرد.

      وینەو راپۆرت/ خەبات ابراهیم