بێگەرد تاڵەبانی، پەرە بە پەیوەندیە کشتوکاڵی و ئاودێرییەکانی نێوان هەرێم و وڵاتی سوید دەدات


ڕۆژی یەک شەمە ،2021/11/21 بێگەرد تاڵەبانی وەزیری کشتوکاڵ و سەرچاوەکانی ئاو، پێشوازی کرد لە شۆرش قادر رەحیم، نوێنەری حکومەتی هەرێمی کوردستان لە وڵاتی سوید، ئامانجی دیدارەکە بریتی بوو لە پەرەپێدانی پەیوەندیەکانی نێوان هەرێمی کوردستان و وڵاتی سووید، بە تایبەتی دەربارەی کەرتی کشتوکاڵ و سوود وەرگرتن لە ئەزموون و ئەو بەرەو پێش چونانەی لەکەرتی کشتوکاڵ لە وڵاتی سوید بەدیهاتووە ،بە مەبەستی هاندان و بەشداری پێکردنی کۆمپانیاکانی وڵاتی سوید بۆ ئەنجامدانی سەرمایەگوزاری و گەشە و ئاڵوگۆڕی ئابوری و پیشەسازی کشتوکاڵی لە نێوان هەردوولادا گفتوگۆی لەبارەیەوە کرا.