هەڵەبجە: هەڵمەتی قەڵاچۆكردنی كوللـە

هەڵەبجە: هەڵمەتی قەڵاچۆكردنی كوللـە
بەڕێوەبەرایەتی گشتی كشتوكاڵی پارێزگای هەڵەبجە هەڵمەتێكی فراوانی بۆ قەڵاچۆكردنی كوللـە دەست پێكردووە.
ئەم هەڵمەتە ماوەی مانگێک بەردەوام دەبێت لە سنوری چل گوند بە بەشداری سێ تیم، بە ئامانجی قەڵاچۆكردنی كوللـە لەپێناو پاراستنی بەرهەمی جوتیارانمان.
لە پارێزگای هەڵەبجە ساڵانه ئافاتی کوللـە سەر هەڵدەدات و بۆتەهۆی زیانێكی گەورە بۆ رەز و باخی جوتیاران، هەر بۆیە لەپێناو پاراستنی بەرهەمی جوتیاران وەزارەتی کشتوکاڵ و سەرچاوەکانی ئاو لەرێگەی بەڕێوەبەرایەتی گشتی کشتوکاڵی پارێزگاکان دەستی کردووە بەهەڵمەتێکی فراوانی قەڵاچۆکردنی کوللـە و سن.